「我煲咗你湯啊」、「中秋一齊賞月啦」，這種鄰里關係在香港彌足珍貴。一級歷史建築物灣仔藍屋「好鄰居計劃」，屬全港首個民間方案「留屋留人」活化計劃，共有20個單位，當中12個單位可供租住，原有居民入住其餘8個單位，實行以人與人的關係為依歸的居住模式。今年1月起已有21人入住，當中街坊安娜與丈夫從海怡半島搬入藍屋建築群已半年，大讚「好正！係我哋喜歡嘅地方」。

活化工程由2013開始，12個單位分佈於藍屋及黃屋，今年起共9個單位已有人入住，餘下3個藍屋單位將於本周日繼續招租，租屋需面試，視乎是否能與鄰里營造社區生活。
居於黃屋的安娜與丈夫是計劃的第一批入住者，「我原本住海怡半島自置單位住咗18年，賣咗後搵過好多地方，但最後都申請呢個計劃」，由中產屋苑的海怡半島搬到細一半的唐樓單位，安娜反而鍾情後者。
「海怡住咁耐，我同鄰居係唔識；呢度住半年，鄰居間打招呼、互相幫助，試過有街坊煲埋湯畀我，我開心了大半日！」安娜說。藍屋及黃屋的街坊會每月定期一起「開飯」及交流煮食心得，新年一起吃團年飯，中秋一起賞月。
她指中產屋苑不及唐樓單位，「海怡樓下嘅公園係冇人入去，得外傭姐姐，個個都好快行過。但我見到呢度樓下塊空地就流口水，我可以叫朋友嚟玩音樂，介紹畀街坊，空地又可以擺市集」。安娜說，社區營造是指與鄰居能夠互相認識及生活，「其實數年前未有呢個計劃時，我已經覺得復修計劃好有趣，聽到有得入住就申請」。
聖雅各福群會文化保育及社區參與團隊主任周希旋表示，此計劃至今收到逾100個申請，黃屋單位比藍屋單位面積細一半，租金較便宜亦較歡迎。她又指，本港具歷史價值的舊樓陸續被拆卸，「好多歷史建築物嘅保育只係變高級餐廳，外貌不變，但冇咗原本意義，希望藍屋能夠畀到經驗同示範出嚟，留屋留人」。

資料來源：蘋果日報

下載PDF